Օֆշորային տարածքի ընտրությունը
Առավել հարմար տարածքի ընտրությունը՝ թե՜ միջազգային առևտրի, թե՜՝ ներդրումների համար, երբեմն կարող է բարդ լինել և պահանջում է մանրազնին դիտարկում: Օֆշորային տարածքների մեծամասնությունն ազատ է արժութային վերահսկողությունից: Դրանցում գործում է զանազան միջազգային գործարար պահանջներ բավարարող օրենսդրություն: Կարևոր է ընտրել այնպիսի տարածք, որը լավագույնս համապատասխանում է Ձեր գործարար և անաձնական կարիքներին:
Քաղաքական և տնտեսական կայունություն
Յուրաքանչյուր այն անձի համար, ով ցանկանում է օֆշորային տարածքում իր ընկերությունը կամ մասնավոր շահերը հաստատել, կարևոր է ընտրել այնպիսի տարածք, որը ապահովում է քաղաքական և տնտեսական կայունություն, որպեսզի գործը վարվի վստահության, պարզորոշության և կորպորատիվ անվտանգության մթնոլորտում:
Օրենսդրություն
Ներկայումս աշխարհում գործում է օֆշորային ընկերությունների օրենսդրություն տրամադրող 50 տարածք: Որոշ տարածքներ ներկայացնում են հատուկ միջազգային բիզնեսի համար մշակված նոր և ժամանակակից կորպորատիվ օրենսդրություն: Մյուսներն ուղղակի փոփոխում են գործող տեղական օրենսդրությունը՝ համապատասխանեցնելով այն օֆշորային ոլորտի պահանջներին:
Առավել կարևոր չափանիշերից է օրենսդրության ժամանակակից, ճկուն և փորձված լինելը այնպիսի հարցերում, ինչպիսիք են ցածր կանոնադրական կապիտալը, հաշվետվության նվազագույնի հասցված պահանջները, անդամների կամ տնօրենների ժողովը ցանկացած վայրում անցկացնելու հնարավորությունը, անվանական բաժնետերեր և տնօրեններ նշանակելու հնարավորությունը, հաշվեկշիռներ ներկայացնելու պարտադիր չլինելը: Բացի այդ, օրենսդրությունը պետք է հնարավորության դեպքում տրամադրի գաղտնիություն, այդ թվում պատվիրատուի գործարքների բացարձակ գաղտնիություն:
Ընկերություններին առնչվող նախընտրելի առանձնահատկություններ
Բազմաթիվ օֆշորային և հարկային պլանավորման տարածքներ ջանքեր են գործադրել ապահովելու, որ իրենց կորպորատիվ օրենքները տրամադրեն հետևյալ հնարավորությունները.
- Սահմանափակ պատասխանատվություն
- Տնօրենների պատասխանատվությունը հասցված է նվազագույնի: Սովորաբար տնօրենները պատասխանատու են ընկերության գործունեության համար, սակայն որոշ տարածքներում տնօրենները կարող են ընկերությունից և դրա փաստացի սեփականատիրոջից պահանջել ազատում պատասխանատվությունից:
- Նվազագույնի հասցված կամ ոչ պարտադիր հաշվետվություն
- Թույլատրված են անվանական բաժնետերեր
- Բաժնետոմսերի թողարկում ըստ ներկայացնողի
- Փաստացի սեփականատերերի տվյալների հրապարակումը կամ չի պահանջվում, կամ էլ տվյալները տրամադրվում են միայն հատուկ մարմինների, օրինակ տվյալ տարածքի իշխանություններին կամ կենտրոնական բանկին:
- Ընկերության սահմանափակ պատասխանատվությունը մատնանշող թույլատրված անվանումների և վերջավորությունների լայն ընտրանի
- Ցածր կանոնադրական կապիտալ
- Աշխարհի ցանկացած մասում տնօրենների և/կամ բաժնետերերի ժողովներն անցկացնելու հնարավորություն
- Հաշվապահական գրառումների ստուգման պահանջի բացակայություն կամ ոչ պարտադիր ստուգում
Պրոֆեսիոնալ ենթակառուցվածք
Օֆշորային ցանկացած ընկերության կառավարումը պահանջում է և իրավաբանական, և՝ հաշվապահական սպասարկում: Հետևաբար, կարևոր է ընտրել այնպիսի տարածք, որն առաջարկում է իրավաբանական և հաշվապահական ծառայություններ մատուցող ընկերությունների լայն ընտրություն: Դա հնարավորություն կտա ստանալ մատչելի ծառայություններ միջազգային ստանդարտին համապատասխան:
Հաղորդակցություն
Կարևոր է, որ օֆշորային տարածքն ունենա բարձրակարգ կապի միջոցներ, այդ թվում օդային չվերթներ, փոստային ծառայություններ և հեռահաղորդակցման միջոցներ, որպեսզի գործարքները կատարվեն արագ կարգով:
Լեզու
Թեև օֆշորային մատակարարները տրամադրում են բազմալեզու ծառայություններ, ցանկալի է անգլերենի գործածումը: Դա կարող է օգնել ապահովելու, որ պատվիրատուի պահանջները լիովին ըմբռնված լինեն՝ առանց սխալներ թույլ տալու վտանգին ենթարկվելու:
Բանկային գործարքներ
Թեև օֆշորային ընկերությունները կարող են բանկային գործարքներ կատարել աշխարհի ցանկացած երկրի հետ, որոշ պատվիրատուներ նախընտրում են ընկերության հաշիվ բացել նույն տարածքում: Այդ դեպքում կարևոր է բանկային ծառայությունների լայն ընտրանին և միջազգային բանկային գործարքների հասանելիությունը:
Երկակի հարկումից խուսափելու մասին համաձայնագրեր
Աշխարհի բոլոր օֆշորային տարածքները կարելի է բաժանել երկու խմբերի.
- Համաձայնագիր ունեցող տարածքներ
- Համաձայնագիր չունեցող տարածքներ
Այն պատվիրատուները, որոնք ցանկանում են օգտվել երկակի հարկումից խուսափելու մասին համաձայնագրերով սահմանված հարկային արտոնություններից, պետք է ընկերություն գրանցեն համաձայնագիր ունեցող տարածքում: Սա կարևոր է պայմանագրի կողմ հանդիսացող երկրներից ստացած շահաբաժինների և ռոյալթիների վճարումներից վճարվելիք հարկերը նվազագույնի հասցնելու համար: Համաձայնագիր կնքած տարածքները նաև ներկայացնում են ոչ օֆշորային պատկեր և այդ կերպ ավելի գրավիչ են երևում:
Համաձայնագիր չունեցող տարածքները մեծամասամբ կիրառվում են ընկերության շահույթներից հարկ չգանձելու պատճառով: Սովորաբար դրանք ընկերություններից պահանջում են ֆիքսված տարեկան արտոնագրավճար:
Հետևաբար կարևոր է գնահատել ապագա ընկերության հարկման հետևանքները և որոշել՝ անհրաժե՞շտ է արդյոք ընկերությունը գրանցել համաձայնագիր ունեցող տարածքում, թե՞ ոչ: Նորմալ հանգամանքների դեպքում համաձայնագիր ունեցող տարածք չէր պահանջվի ապրանքների միջազգային շարժի և ծառայությունների մեծ մասի համար: Այնուամենայնիվ, օտարերկրյա ներդրումները որոշ երկրներում կարող են պահանջել համաձայնագիր կնքած երկիր՝ հարկման ազդեցությունը նվազեցնելու համար: