Կորպորատիվ ծառայություններ, ընկերության ստեղծում, բանկային հաշվի բացում, հաշիվ-ապրանքագրերի պատրաստում

Մեր գործունեության հիմնական տարրերից մեկը ընկերությունների ստեղծումն ու դրան առնչվող օրենսդրական պահանջների կատարումն է: Մենք ունենք օգտագործման համար պատրաստ ընկերությունների լուրջ ընտրանի: Անհրաժեշտության դեպքում մենք կարող ենք ընկերություն ստեղծել Ձեր ընտրած անվանմամբ: Դա, կախված օֆշորային տարածքից, տևում է նվազագույնը տասը օր:

Մենք պարբերաբար զրոյական հարկադրմամբ միջազգային գործարար ընկերություններ («IBC») ենք ստեղծում այնպիսի տարածքներում, ինչպիսիք են Բրիտանիայի Վիրջինյան Կղզիները, Անգիլիան, Բահամյան Կղզիները, Մորիտոսը, Սեյշելյան Կղզիները և Բելիզը: Միջազգային գործարար ընկերությունը գաղտնի և ճկուն իրավաբանական անձ է, որը վճարում է ֆիքսված տարեկան արտոնագրավճար, մեծ օգուտ է քաղում պարզ և հասկանալի օրենսդրական դաշտից և պարտավորված չէ ներկայացնել կամ վարել աուդիտով ստուգված հաշվետվություններ:

Մենք տրամադրում ենք ԱՄՆ-ում և Մեն կղզում գրանցված սահմանափակ պատասխանատվությամբ ընկերություններ («LLC»)՝ սահմանափակ պատասխանատվությամբ և կառուցվածքով այնպիսի ընկերակցություններ, որոնք չեն հարկվում գրանցման երկրում:

Մենք նաև ընկերություններ ենք ստեղծում այնպիսի տարածքներում, ինչպիսիք են Միացյալ Թագավորությունը, Մեն կղզին, Ջերսին և Կիպրոսը, ինչպես նաև մայրցամաքային իրավական ռեժիմով պետություններում (օրինակ՝ Դանիա, Նիդեռլանդներ, Լյուքսեմբուրգ, Մադեյրա) և կիրառում ենք այդ ընկերությունները հարկային պլանավորման կառուցվածքներում: Այս տարածքներում գրանցված ընկերությունները պարտավոր են աուդիտով ստուգված հաշվետվություններ ներկայացնել և ընդհանուր առմամբ ավելի հաշվետու են, քան IBC կամ LLC կարգավիճակով ընկերությունները:

Մենք կազմակերպում ենք իրավաբանական հասցեի գրանցում և անհրաժեշտության դեպքում գրանցված ներկայացուցչի ծառայություններ՝ ընկերության գրանցման երկրում: Անհրաժեշտության դեպքում մենք նաև կարող ենք կազմակերպել պրոֆեսիոնալ տնօրենների և անվանական բաժնետերերի նշանակում:

Ընկերության ստեղծում և դրան առնչվող ծառայություններ

Խորհրդատվություն

Էջի սկիզբ